அதிரும் தமிழக அரசியல் களம்: விஜய் தனி வழி!

தமிழக சட்டப்பேரவைத் தேர்தலில், தமிழக வெற்றிக் கழகம் 234 தொகுதிகளிலும் தனித்தே களமிறங்கும் என தகவல் வெளியாகியுள்ளது.

இதனால் தமிழகத்தில் இம்முறை நான்குமுனைப் போட்டி நிலவும் என எதிர்பார்க்கப்படுகின்றது.

ஆளுங்கட்சியான தி.மு.க. தலைமையில் காங்கிரஸ், இடதுசாரிகள், வி.சி.க, ம.தி.மு.க. மற்றும் புதிதாக இணைந்துள்ள தே.மு.தி.க. உள்ளிட்ட கட்சிகள் இருக்கின்றன.

மறுபுறத்தில் அ.தி.மு.க, பா.ஜ.க. மற்றும் பாமக உள்ளிட்ட கட்சிகள் கைகோர்த்திருக்கின்றன.
வழக்கம் போல் தேர்தலில் தனித்து நிற்பது என்ற ஒற்றை இலக்குடன் சீமான் களத்தில் உள்ளார்.

இந்நிலையிலேயே தமிழக வெற்றிக் கழகத்தின் ‘தனித்து போட்டி’ என்ற முடிவு, தமிழக அரசியலில் நான்குமுனை போட்டியை உருவாக்கியுள்ளது.
தமிழக வெற்றிக் கழகத்தை தம்முடன் கூட்டு அமைப்பதற்கு பா.ஜ.க. தீவிர முயற்சி எடுத்தது. எனினும், அம்முயற்சி கைகூடவில்லை என தெரிகின்றது.