ட்ரம்ப் மருமகன் ஜாரட் குஷ்னர் குறித்து சமூக ஊடகங்களில் பரவி வரும் குற்றச்சாட்டு

அமெரிக்க முன்னாள் ஜனாதிபதி டொனால்ட் ட்ரம்ப் இன் மருமகனும் தொழிலதிபருமான ஜாரட் குஷ்னர் குறித்து பல்வேறு குற்றச்சாட்டுகள் மற்றும் கருத்துகள் சமூக ஊடகங்களில் பரவலாக பகிரப்பட்டு வருகின்றன.

ஜாரட் குஷ்னர், டொனாலட் ட்ரம்ப் இன் மகளான Ivanka Trump-இன் கணவராகவும், அமெரிக்காவில் ரியல் எஸ்டேட் துறையில் செயல்படும் தொழிலதிபராகவும் அறியப்படுகிறார். அவர் யூதப் பின்னணியைச் சேர்ந்தவராகவும் குறிப்பிடப்படுகிறார்.

சமூக ஊடகங்களில் பரவி வரும் தகவல்களின் படி, அமெரிக்கா, இஸ்ரேல் மற்றும் ஈரான் தொடர்பான மத்திய கிழக்கு அரசியல் சூழலில் Jared Kushner மறைமுகமாகப் பங்கு வகிக்கிறார் என சிலர் குற்றச்சாட்டு முன்வைத்து வருகின்றனர்.

மேலும், அவர் Mohammed bin Salman உடனான நெருக்கமான உறவை வைத்திருப்பதாகவும் சில பதிவுகள் கூறுகின்றன.

அதேபோல், சவூதி அரேபியாவிலிருந்து இஸ்ரேல் தொடர்புடைய நிறுவனங்களுக்கு முதலீடுகள் செய்யப்பட்டதாகவும், அந்த முதலீடுகளில் Jared Kushner முக்கிய பங்கு வகித்ததாகவும் சமூக ஊடகங்களில் பல்வேறு தகவல்கள் பகிரப்பட்டு வருகின்றன.

எனினும், இவ்வாறான குற்றச்சாட்டுகள் மற்றும் தகவல்களில் பலவற்றிற்கு அதிகாரப்பூர்வமான உறுதிப்படுத்தல்கள் வெளியாகவில்லை என்பதும் குறிப்பிடத்தக்கது.