பழைய சோறு VS ஓட்ஸ்: உடல் ஆரோக்கியத்திற்கு எது சிறந்தது? அதிரடி ஆய்வு முடிவுகள்!
சமீபத்தில்சென்னையின் ஸ்டான்லி அரசு மருத்துவக் கல்லூரி மருத்துவமனை மற்றும் பல்வேறு ஊட்டச்சத்து நிபுணர்கள் இணைந்து நடத்திய ஆய்வுகளில், பழைய சோறு (Fermented Rice) ஓட்ஸை விட சில குறிப்பிட்ட ஆரோக்கிய நன்மைகளில் சிறந்து விளங்குவது அறிவியல் பூர்வமாக உறுதி செய்யப்பட்டுள்ளது.
1. அபாரமான இரும்புச்சத்து உயர்வு
ஆய்வின்படி, 100 கிராம் சாதாரண வேகவைத்த சோற்றில் 3.4 மி.கி மட்டுமே இரும்புச்சத்து உள்ளது. ஆனால், அதே சோற்றை இரவு முழுவதும் தண்ணீரில் ஊறவைத்து (12 மணி நேரம்) பழைய சோறாக மாற்றும்போது, அதன் இரும்புச்சத்து 73.91 மி.கி ஆக அதிகரிக்கிறது. இது இரத்த சோகையை (Anaemia) விரட்டுவதற்கான ஒரு மிகச்சிறந்த மருந்தாகும்.
2. குடல் ஆரோக்கியத்தின் ‘சூப்பர் ஹீரோ’ (Gut Health)
பழைய சோற்றில் நொதித்தல் (Fermentation) நடக்கும்போது, லாக்டோபாசிலஸ் (Lactobacillus) போன்ற நன்மை செய்யும் பாக்டீரியாக்கள் கோடிக்கணக்கில் உருவாகின்றன. இது குடலில் உள்ள நச்சுகளை நீக்க உதவுகிறது.
அது மட்டுமல்லாது அல்சரேட்டிவ் கோலைடிஸ் (Ulcerative Colitis) மற்றும் எரிச்சலூட்டும் குடல் நோய் (IBD) உள்ளவர்களுக்கு இது ஒரு வரப்பிரசாதம் என மருத்துவர்கள் கூறுகின்றனர்.
3. ‘பைடிக் அமிலம்’ நீக்கம்
தானியங்களில் உள்ள பைடிக் அமிலம் (Phytic Acid)உடலுக்குத் தேவையான சத்துக்களை உறிஞ்ச விடாமல் தடுக்கும். பழைய சோற்றில் உள்ள நுண்ணுயிரிகள் இந்த அமிலத்தை அழித்து, இரும்பு, கால்சியம் மற்றும் பொட்டாசியம் ஆகிய சத்துக்கள் உடலில் முழுமையாக சேர உதவுகின்றன.
மேலும் மண்பானையில் ஊறவைத்த பழைய சோறை சாப்பிடுவது கூடுதல் பலன் தரும். இதனுடன் சின்ன வெங்காயம் மற்றும் மோர் சேர்த்துச் சாப்பிடும்போது, நோய் எதிர்ப்பு சக்தி (Immunity) இருமடங்காகிறது.
முக்கியமான குறிப்பு மிகக் கடுமையான சர்க்கரை நோய் (Diabetes) உள்ளவர்கள் மருத்துவரின் ஆலோசனையின்றி அதிக அளவில் எடுக்க வேண்டாம், ஏனெனில் இதில் கார்போஹைட்ரேட் அதிகம். இருப்பினும், நொதித்தல் நடப்பதால் சாதாரண சோற்றை விட இதன் கிளைசெமிக் குறியீடு சற்று குறைகிறது.
நிபுணர் கருத்து படி “மேற்கத்திய உணவான ஓட்ஸை விட, நம் ஊர் தட்பவெப்ப நிலைக்குப் பழைய சோறுதான் சிறந்த காலை உணவு”என்று மருத்துவர் ஒருவர் குறிப்பிட்டுள்ளார்.
