முடிவுக்கு வந்த “புதிய START” ஒப்பந்தம் – அதிகரிக்கும் அணுவாயுத போட்டி!

அமெரிக்காவிற்கும் ரஷ்யாவிற்கும் இடையிலான கடைசி அணு ஆயுதக்
கட்டுப்பாட்டு ஒப்பந்தம் காலாவதியாகிவிட்டது, இது ஒரு புதிய
ஆயுதப் போட்டியின் அச்சத்தை எழுப்பியுள்ளது.

“புதிய START” என்று அழைக்கப்படும் மூலோபாய ஆயுதக் குறைப்பு
ஒப்பந்தம், 2010 இல் கையெழுத்தாகியிருந்த நிலையில் தற்போது
காலாவதியாகியுள்ளது. அதேநேரம் புதிய ஒப்பந்தம் எதுவும்
எட்டப்படவில்லை.

இது அணுவாயுத உற்பத்தி மற்றும் உலகளாவிய அச்சுறுத்தல்களை
ஏற்படுத்தியுள்ளது. இது தொடர்பில் கருத்து வெளியிட்டுள்ள ஐ.நா
பொதுச் செயலாளர் அன்டோனியோ குட்டெரெஸ் (António Guterres), அதன்
முடிவு “சர்வதேச அமைதி மற்றும் பாதுகாப்பிற்கான ஒரு முக்கியமான
தருணத்தைக் குறிக்கிறது” என்றும், ரஷ்யாவும் அமெரிக்காவும்
“தாமதமின்றி” பேச்சுவார்த்தை நடத்த வேண்டும் என்றும் அழைப்பு
விடுத்துள்ளார்.

“உலகளாவிய அணு ஆயுதக் கிடங்கில் பெரும்பகுதியை” வைத்திருக்கும்
நாடுகளின் “மூலோபாய அணு ஆயுதக் கிடங்குகளில் எந்த பிணைப்பு
வரம்புகளும் இல்லாத ஒரு உலகத்தையும் நாங்கள் வைத்திருக்கிறோம்
என்றும் அவர் குறிப்பிட்டுள்ளார்.

பனிப்போரை முடிவுக்கு கொண்டுவர உதவிய START ஒப்பதமானது, அணு
ஆயுதங்களின் எண்ணிக்கையை 1,550 ஆகக் குறைத்ததுடன், தரவு
பரிமாற்றம், அறிவிப்புகள் மற்றும் தள ஆய்வுகள் உட்பட சில
வெளிப்படைத்தன்மையை நிலைநிறுத்தியிருந்தமை குறிப்பிடத்தக்கது.