ஸ்காட்லாந்தில் கைரேகைகள் பாரம்பரிய முறையில் பதிவு செய்யப்படுவதாக குற்றச்சாட்டு

ஸ்காட்லாந்தின் சில நிலையங்களில் மின்னணு ஸ்கேனர்கள் இன்மையால், கைரேகைகளை பதிவு செய்ய பாரம்பரிய மை மற்றும் காகிதத்தைப் பயன்படுத்துவதாக கண்காணிப்பு அமைப்புகள் விமர்சித்துள்ளன.

இங்கிலாந்து காவல் துறையில் சுமார் 125 ஆண்டுகள் பழமையான இந்த நுட்பம், ஃபோர்ட் வில்லியம், வெஸ்டர்ன் தீவுகள், ஓர்க்னி மற்றும் ஷெட்லாண்ட் ஆகிய இடங்களில் உள்ள அதிகாரிகளால் இன்னும் பயன்படுத்தப்படுவதாக தெரிவிக்கப்படுகிறது.

மை மற்றும் காகிதம் காலாவதியானது என்றும், தரமற்ற அச்சுகள் காரணமாக தவறுகள் ஏற்படும் அபாயம் இருப்பதாகவும் ஸ்காட்லாந்தின் மாட்சிமை தங்கிய கான்ஸ்டாபுலரி ஆய்வாளர் மற்றும் சுகாதார மேம்பாட்டு ஸ்காட்லாந்து அறிக்கையொன்றில் தெரிவித்துள்ளன.

ஷெட்லாந்தில் உள்ள லெர்விக், மேற்கு தீவுகளில் உள்ள ஸ்டோர்னோவே மற்றும் ஓர்க்னியில் உள்ள கிர்க்வால் ஆகிய இடங்களில் மின்னணு கைரேகை இயந்திரங்கள் அறிமுகப்படுத்தப்படுவதாக ஸ்காட்லாந்து காவல்துறை தெரிவித்துள்ளது.

இன்வெர்னஸ் மற்றும் விக்கில் உள்ள காவல் மையங்களில் லைவ் ஸ்கேன் எனப்படும் மின்னணு கைரேகை இயந்திரங்கள் உள்ளன. இந்த சாதனங்கள் ஒரு நபரின் விரல் மற்றும் கை ரேகைகளை டிஜிட்டல் முறையில் பதிவு செய்கின்றன

மேலும் அதிகாரிகள் உடனடியாக தரவுத்தளங்களுடன் ரேகைகளை குறிப்பு மூலம் பதிவு செய்யத் தொடங்கலாம். ஆனால் கண்காணிப்பு அமைப்புகள் மற்ற தளங்களில் இயந்திரங்கள் இல்லை என்றும், அதற்கு பதிலாக பாரம்பரிய, மற்றும் ஓரளவு காலாவதியான, மை மற்றும் காகித செயல்முறைகளை நம்பியுள்ளன என்றும் கூறியுள்ளது என ஸ்காட்லாந்து காவல்துறை தெரிவித்துள்ளது.