சந்திக்க நேரம் தாருங்கள்; அநுரவுக்கு தமிழரசு கடிதம்
ஜனாதிபதி அனுர குமார திஸாநாயக்கவை சந்தித்து கலந்துரையாடுவதற்கான நேரத்தை இலங்கை தமிழ் அரசுக் கட்சி கோரியுள்ளது.
இலங்கை தமிழ் அரசுக் கட்சியின் தலைவர் சி.வீ.கே.சிவஞானம் மற்றும் பொதுச் செயலாளர் எம்.ஏ.சுமந்திரன் ஆகியோர் கையொப்பமிட்டு ஜனாதிபதிக்கு திங்கட்கிழமை அனுப்பி வைத்த கடிதத்தில் இவ்விடயம் கோரப்பட்டுள்ளது.
மேலும் அக்கடிதத்தில்,எங்கள் கட்சியின் சமீபத்திய மத்திய செயற்குழு கூட்டத்தில் எடுக்கப்பட்ட முடிவுக்கமைய இது தொடர்பாக உங்களுக்கு கடிதம் எழுத முடிவு செய்யப்பட்டது.
நீங்கள் நாட்டின் ஜனாதிபதியாக பதவியேற்று ஒரு வருடம் ஆகிறது. உங்கள் தேர்தல் அறிக்கையிலும் பல அறிவிப்புகளிலும் இந்த தமிழ் தேசியம் சார்ந்த முக்கியமான பிரச்சினையைத் தீர்ப்பதாக நீங்கள் உறுதியளித்துள்ளீர்கள். இருப்பினும், கடந்த ஒரு வருடமாக இந்த விஷயத்தில் எந்த நடவடிக்கையும் எடுக்கப்படவில்லை என்று தெரிகிறது.
முதன்மையான தமிழ் அரசியல் கட்சி என்ற முறையில் மேற்கூறிய பிரச்சினை தொடர்பாக உங்கள் அரசாங்கத்துடன் கலந்துரையாட நாங்கள் தயாராக உள்ளோம். இந்த வழியில் உங்களைச் சந்திக்க கீழே கையொப்பமிடப்பட்ட தலைவர், பொதுச் செயலாளர் மற்றும் எங்கள் எட்டு பாராளுமன்ற உறுப்பினர்கள் அடங்கிய ஒரு குழு நியமிக்கப்பட்டுள்ளது.
மேற்கண்ட குழு உங்களைச் சந்திக்க உங்கள் வசதிக்கேற்ப ஒரு நேரத்தை ஒதுக்குமாறு கோரப்பட்டுள்ளது
