ஆஸ்திரேலியாவில் அவசர அழைப்புகளுக்கு பதிலளிக்க முடியாமல் போனதால் மூவர் பலி

ஆஸ்திரேலியாவில் triple-0 என்ற அவசர அழைப்புகளுக்கு பதிலளிக்க முடியாமல் போனதால் மூன்று பேர் உயிரிழந்துள்ளனர்.

Optus வலையமைப்பில் ஏற்பட்ட தொழில்நுட்பக் கோளாறு காரணமாக, இந்த நிலைமை ஏற்பட்டுள்ளது.

Optus தலைமை நிர்வாக அதிகாரி ஸ்டீபன் ரூ ஒரு புதுப்பிப்பின் போது தொழில்நுட்பக் கோளாறு ஏற்பட்டதாகக் கூறுகிறார்.

தெற்கு ஆஸ்திரேலியா, வடக்குப் பிரதேசம் மற்றும் மேற்கு ஆஸ்திரேலியாவில் அழைப்புகள் தடைபட்டுள்ளன. தெற்கு ஆஸ்திரேலியாவில் இரண்டு பேரும் மேற்கு ஆஸ்திரேலியாவில் ஒருவரும் இறந்துள்ளனர்.

Optusஇன் ஆரம்ப விசாரணையில் கிட்டத்தட்ட 600 அவசர அழைப்புகள் பாதிக்கப்பட்டுள்ளதாக தெரியவந்துள்ளது.

இது நம்பமுடியாத அளவிற்கு தீவிரமானது மற்றும் முற்றிலும் ஏற்றுக்கொள்ள முடியாதது என்று தகவல் தொடர்பு அமைச்சர் அனிகா வெல்ஸ் கூறினார்.

இந்த சம்பவம் குறித்து முழு விசாரணை நடத்தப்படும் என்றும் அவர் கூறினார்.

Optusஇல் இது முதல் தொழில்நுட்பக் கோளாறு அல்ல, மேலும் 2023ஆம் ஆண்டு நவம்பர் மாதம் 8ஆம் திகதியன்று வலையமைப்பு செயலிழந்தபோது, ​​2,145 triple-0 அழைப்புகள் இணைக்கத் தவறிவிட்டன.

இதன் விளைவாக, ஆப்டஸ் 12 மில்லியன் டொலருக்கு அதிகமான அபராதம் செலுத்த வேண்டிய கட்டாயம் ஏற்பட்டது.