தேவைப்பட்டால் ஜனாதிபதி ஹெலிகாப்டரில் பயணம் செய்ய வேண்டும்
ஜனாதிபதி அனுர குமார திசாநாயக்கவுக்கு அதிகரித்த பாதுகாப்பு தேவை என்றும், தேவைப்பட்டால் ஹெலிகாப்டரைக் கூட பயன்படுத்த வேண்டும் என்றும் அமைச்சர் கே.டி. லால் காந்த தெரிவித்துள்ளார்.
கண்டியில் நடைபெற்ற நிகழ்வு ஒன்றில் பேசிய அமைச்சர் லால் காந்த, எந்த விமர்சனங்கள் வந்தாலும், ஜனாதிபதிக்கு வலுவான பாதுகாப்பு வழங்கப்பட வேண்டும் என்று வலியுறுத்தினார்.
எனினும், இதுபோன்ற உயர்மட்ட பாதுகாப்பு ஏற்பாடுகள் குறித்து ஜனாதிபதியே ஆர்வமாக இல்லை என்று அவர் குறிப்பிட்டார்.
“யார் என்ன சொன்னாலும் சரி, ஜனாதிபதிக்கு வலுவான பாதுகாப்பு தேவை. தனிப்பட்ட முறையில், அவர் இப்படி பயணிக்கக்கூடாது என்று நான் நினைக்கிறேன். அவருக்கு தற்போது இருப்பதை விட அதிக பாதுகாப்பு தேவை,” என்று அமைச்சர் சுட்டிக்காட்டினார்.
ஜனாதிபதி எங்கு சென்றாலும் அவருடன் ஒரு குழு எப்போதும் இருக்கும் என்றும், இது தவிர்க்க முடியாதது என்றும் அமைச்சர் மேலும் கூறினார்.
