முதல்வர் மு.க.ஸ்டாலின் 2 நாள் ஓய்வெடுக்க வைத்தியர்கள் அறிவுறுத்தல்

சென்னை அப்போலோ வைத்தியசாலையில் முதல்வர் மு.க. ஸ்டாலினுக்கு இன்று (21) வழக்கமான மருத்துவப் பரிசோதனை செய்யப்பட்டது.

பரிசோதனையை தொடர்ந்து முதல்வர் ஸ்டாலின் 2 நாட்கள் ஓய்வெடுக்க வேண்டும் என்று வைத்தியர்கள் அறிவுறுத்தியுள்ளனர்.

இதனால் அடுத்த இரு நாட்களுக்கு முதல்வர் கலந்துகொள்ளவிருந்த நிகழ்ச்சிகள் அனைத்தும் ஒத்திவைக்கப்படும் என்று தெரிகிறது.

முதல்வர் மு.க.ஸ்டாலின் ஜூலை 22 மற்றும் 23ஆம் திகதிகளில் கோவை, திருப்பூர் மாவட்டங்களுக்கு பயணம் மேற்கொள்ளவிருந்தது குறிப்பிடத்தக்கது.