அமெரிக்காவுக்கான அட்லாண்டிக் கடல் கடந்த விமான கட்டணத்தில் பாரிய சரிவு!

அமெரிக்க எல்லைக் கட்டுப்பாடுகள், ஜனாதிபதி டொனால்ட் ட்ரம்பின் கொள்கைகள் குறித்த கவலைகள் காரணமாக அமெரிக்காவுக்கான அட்லாண்டிக் கடல் கடந்த விமானக் கட்டணங்கள் பாரிய அளவில் சரிந்துள்ளன.

இது மேற்கு ஐரோப்பாவிலிருந்து அமெரிக்காவிற்கு பயணத்தை மேற்கொள்ளும் பயணிகளின் பின்னடைவினை காட்டுகிறது.

இந்த நிலை குறைந்தது எதிர்வரும் ஜூலை வரை தொடரும் என எதிர்பார்க்கப்படுகிறது.

அமெரிக்க வர்த்தகத் துறையின் கீழ் உள்ள அமெரிக்க தேசிய பயணம் மற்றும் சுற்றுலா அலுவலகத்தின் (NTTO) முதற்கட்ட தரவுகளின்படி, மே மாதத்தில் அமெரிக்காவிற்கு வெளிநாட்டு வருகை 2.8 சதவீதம் குறைந்துள்ளது.

மே மாதத்தில் மேற்கு ஐரோப்பாவிலிருந்து பயணம் 4.4 சதவீதம் குறைந்துள்ளது.

இருப்பினும் அதே காலகட்டத்தில் கிழக்கு ஐரோப்பாவிலிருந்து பயணம் 4.6 சதவீதம் அதிகரித்துள்ளது.

ஜூலை மாதத்தில் அமெரிக்காவிற்கு உள்வரும் மொத்த முன்பதிவுகள் ஆண்டுக்கு ஆண்டு 13 சதவீதம் குறைந்துள்ள நிலையில், முன்னோக்கி முன்பதிவுகள் தொடர்ச்சியான சரிவுகள் ஏற்பட வாய்ப்புள்ளதாகக் கூறுகின்றன என்று பகுப்பாய்வு நிறுவனமான OAG ஏவியேஷன் தெரிவித்துள்ளது.

ஜனாதிபதி டொனால்ட் டத்ரம்ப் கிரீன்லாந்தை இணைக்க பரிந்துரைத்தது, உலகளாவிய வர்த்தகப் போரைத் தொடங்கியது மற்றும் கடுமையான எல்லைக் கொள்கையில் கவனம் செலுத்தும் உத்தரவுகளை பிறப்பித்ததும், ஐரோப்பியர்கள் அமெரிக்காவிற்கு பயணம் செய்வதை மறுபரிசீலனை செய்யத் தொடங்கிய முதல் காலாண்டிலிருந்து அட்லாண்டிக் கடல்கடந்த விமானக் கட்டணங்கள் குறைந்து வருகின்றமையும் குறிப்பிடத்தக்கது.