டிரம்புக்கு கத்தார் அரச குடும்பம் வழங்கிய பிரம்மாண்ட விமானம்!

அமெரிக்க ஜனாதிபதி டொனால்ட் டிரம்ப், மத்திய கிழக்கு நாடுகளுக்கு சுற்றுப்பயணம் மேற்கொண்டிருந்த போது, அவருக்கு கத்தார் அரச குடும்பத்தினர் பிரம்மாண்டமான போயிங் 747-8 ஜம்போ ஜெட் விமானத்தை பரிசாக வழங்கியுள்ளனர்.

இந்த விமானம் ஆடம்பர வசதிகளுடன் கூடியது என்றாலும், பாதுகாப்பு குறைபாடுகள் குறித்த செய்திகள் ஊடகங்களில் வெளியாகி பெரும் பரபரப்பை ஏற்படுத்தியது.

விமானத்தில் பாதுகாப்பு குறைபாடுகள் இருப்பதாக வெளியான செய்திகளுக்கு பதிலளித்த டிரம்ப், அந்த குற்றச்சாட்டுகளை முற்றிலும் நிராகரித்தார்.

“இலவசமாக கிடைக்கும் ஒரு பொருளை வேண்டாம் என்று சொல்லும் அளவுக்கு நான் முட்டாள் இல்லை” என்று அவர் செய்தியாளர்களிடம் தெரிவித்தார். மேலும், விமானத்தை நிராகரிக்கும் எண்ணம் தனக்கு இல்லை என்றும் அவர் திட்டவட்டமாக கூறினார்.

டிரம்பின் பதவி காலம் முடிந்த பிறகு இந்த விமானத்தை தனிப்பட்ட முறையில் பயன்படுத்துவாரா என்ற கேள்விக்கு பதிலளித்த அவர், “எதிர்காலத்தில் இந்த விமானம் ஜனாதிபதி நூலக அருங்காட்சியகத்திற்கு நன்கொடையாக வழங்கப்படும்” என்று தெரிவித்தார்.

இதன் மூலம், விமானத்தை பொது பயன்பாட்டிற்கு வழங்குவதில் தனக்கு விருப்பம் இருப்பதை அவர் தெளிவுபடுத்தியுள்ளார்.