கனடாவின் புதிய வெளியுறவு அமைச்சராக அனிதா ஆனந்த் நியமனம்

கனடாவின் புதிய வெளியுறவு அமைச்சராக இந்திய வம்சாவளியைச் சேர்ந்த அனிதா ஆனந்த் நியமிக்கப்பட்டுள்ளார்.

அமைச்சரவை மறுசீரமைப்பின் ஒரு பகுதியாக, மெலனி ஜோலிக்குப் பதிலாக அனிதா ஆனந்த் வெளியுறவு அமைச்சராக நியமிக்கப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன.

முன்னாள் பிரதமர் ஜஸ்டின் ட்ரூடோவின் அமைச்சரவையைப் போலவே, கார்னி அமைச்சரவையில் பாதி பேர் பெண்களால் ஆனவர்கள்.

ஏப்ரல் 28 அன்று நடைபெற்ற கனேடிய கூட்டாட்சித் தேர்தலில் இந்திய வம்சாவளியைச் சேர்ந்த 22 வேட்பாளர்கள் வெற்றி பெற்றனர். இவர்களில் நான்கு பேர் மார்க் கார்னியின் அமைச்சரவை உறுப்பினர்கள் ஆவர்.

தற்போது பாதுகாப்பு அமைச்சராக இருக்கும் அனிதா ஆனந்த், நாடாளுமன்ற உறுப்பினராக தேர்ந்தெடுக்கப்பட்ட முதல் இந்து பெண்மணி மற்றும் அமைச்சரவை அமைச்சரான முதல் இந்து ஆவார்.

கனடாவின் நோவா ஸ்கோடியாவின் கென்ட்வில்லில் பிறந்த அனிதா, 2019 இல் அரசியலில் நுழைந்தார். அவர் முதலில் ஓக்வில்லில் இருந்து நாடாளுமன்றத்திற்குத் தேர்ந்தெடுக்கப்பட்டார்.

அனிதா 2019 முதல் 2021 வரை பொதுப்பணி மற்றும் வழங்கல் அமைச்சராக பணியாற்றினார், மேலும் திறைசேரியின் தலைவர் மற்றும் பாதுகாப்பு அமைச்சர் பதவிகளையும் வகித்தார்.

கோவிட் சகாப்தத்தில் கனடாவிற்கு தடுப்பூசிகளைக் கொண்டு வருவதில் அனிதா முக்கிய பங்கு வகித்தார். அனிதாவின் தாய் சரோஜ் டி. ராம் மற்றும் தந்தை எஸ்.வி. ஆனந்தும் ஒரு மருத்துவர்கள் ஆவர்.

அனிதா குயின்ஸ் பல்கலைக்கழகத்தில் அரசியல் அறிவியலில் இளங்கலைப் பட்டமும், ஒக்ஸ்போர்டு பல்கலைக்கழகத்தில் சட்டப் பட்டமும், டல்ஹவுசி பல்கலைக்கழகத்தில் சட்டப் பட்டமும், டொராண்டோ பல்கலைக்கழகத்தில் சட்டத்தில் முதுகலைப் பட்டமும் பெற்றுள்ளார்.

அவர் டொராண்டோ பல்கலைக்கழகத்தில் சட்ட பீட உறுப்பினராக உள்ளார் என்பதும் குறிப்பிடத்தக்கது.