கணேமுல்ல சஞ்சீவவின் கொலை வெளிநாட்டிலிருந்து திட்டமிடப்பட்டதாக தகவல்வின் கொலை வெளிநாட்டிலிருந்து திட்டமிடப்பட்டதாக தகவல்

ஒழுங்கமைக்கப்பட்ட குற்றக் கும்பலைச் சேர்ந்த கணேமுல்ல சஞ்சீவ மீதான துப்பாக்கிச் சூடு மற்றும் கொலை, வெளிநாட்டிலிருந்து திட்டமிடப்பட்டதாக தகவல்கள் வெளியாகியுள்ளன.

இந்தக் கொலையை, தற்போது வெளிநாட்டில் இருக்கும் ஒழுங்கமைக்கப்பட்ட குற்றவாளிகளான கெஹெல்பத்தர பத்மே, படுவத்தே சாமர மற்றும் ஜூட் பிரியந்த ஆகியோர் செய்ததாகத் தெரிவிக்கப்படுகிறது.

அவர்கள் தற்போது துபாய் மற்றும் பிரான்சில் மறைந்து வாழ்வதாக தெரிவிக்கப்பட்டுள்ளது.

இதற்கிடையில், பூசா சிறைச்சாலையில் இருந்து நீதிமன்றத்திற்கு அழைத்து வரப்பட்ட கணேமுல்ல சஞ்சீவவைப் பாதுகாக்க 12 சிறைச்சாலை அதிகாரிகள் மற்றும் சிறப்புப் படை அதிகாரிகள் இருந்ததாகக் கூறப்பட்டுள்ளது.

இவ்வளவு பாதுகாப்பு நடவடிக்கைகள் இருந்தபோதிலும், பாதுகாப்பு குறைபாடு காரணமாக நீதிமன்ற வளாகத்திற்குள் இதுபோன்ற துப்பாக்கிச் சூடு நடந்ததா என்று பல தரப்பினர் கேள்வி எழுப்புகின்றனர்.

இது தொடர்பாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் புத்திக மனதுங்கவிடம் கேள்வி எழுப்பப்பட்டது.

நீதிமன்றத்திற்குள் நுழையும் அனைத்து நபர்களும் கடுமையான சோதனைக்கு உட்படுத்தப்படுவார்கள் என்றும், ஆனால் நீதிபதிகள் மற்றும் சட்டத்தரணிகள் சோதனைக்கு உட்படுத்தப்பட மாட்டார்கள் என்றும் கூறப்பட்டது.

இதனை சாதகமாக பயன்படுத்திக் கொண்டு கொலையாளிகள் துப்பாக்கிச் சூடு நடத்தியதாக பொலிஸ் ஊடகப் பேச்சாளர் தெரிவித்தார்.