மெக்சிக்கோ ஜனாதிபதிப் பிரச்சாரம்: 9 பேர் பலி …. 63 பேர் காயம்!
அடுத்த மாதம் ஜூன் 2 ஆம் நாள் ஜனாதிபதி, மாநில மற்றும் நகராட்சித் தேர்தல்களுக்கு முன்னதாக நடத்தப்பட்ட குடிமக்கள் இயக்கக் கட்சிக்கான பேரணியில் ஒரு மேடையில் பலத்த காற்று வீசியதில் இந்த உயிரிழப்புகள் நிகழ்ந்தன.
நேற்றுப் புதன்கிழமை இந்த சம்பவத்தில் 9 பேர் உயிரிழந்ததுடன் மேலும் 63 பேர் காயமடைந்ததாகவும் அவர்களில் ஒரு குழந்தையும் அடங்கும் என நியூவோ லியோன் மாகாணத்தின் ஆளுநர் சாமுவேல் கார்சியா கூறினார்.
தேர்தலில் வெற்றி பெறுவதற்கான வாய்ப்புகள் குறைவாக இருப்பதாகக் கருதப்படும் வேட்பாளர் Maynez, 38, San Pedro Garza நகரில் நடந்த பேரணியில் நடந்த விபத்தில் தனக்கு காயம் ஏற்படவில்லை கூறினார்.
அவரது குழுவில் சில உறுப்பினர்கள் சிகிச்சைக்காக மருத்துவமனைக்கு அழைத்துச் செல்லப்பட்டதாகவும், வரவிருக்கும் பிரச்சார நிகழ்வுகளை இடைநிறுத்துவதாகவும் அவர் கூறினார்.
நிகழ்வின் போது ஒரு பெரிய திரை கவிழ்ந்து வருவதைக் காட்டும் படங்களை உள்ளூர் ஊடகங்கள் ஒளிபரப்புகின்றன.
