ஆண் உறுப்பில் முக்கியமான நரம்பு உடைந்ததால் இளம்ஜோடி தற்கொலை!

மதுரவாயல், ஆலப்பாக்கம், தன லட்சுமி நகரில் வசித்து வந்தவர் சக்திவேல் (22). இவர் அதே பகுதியில் காயலான் கடை நடத்தி வந்தார். கடந்த ஜனவரி மாதம் சக்திவேலுக்கும், ஆர்த்திக்கும் இரு வீட்டார் சம்மததுடன் வெகுவிமரிசையாக திருமணம் நடந்தது… இந்நிலையில், சில நாட்களாகவே, தம்பதி இருவரும் மன உளைச்சலில் இருந்ததாக தெரிகிறது…இந்த நிலையில், நேற்று காலை காயலான் கடையை சக்தி வேல் திறக்கவில்லை. வீட்டின் கதவும் உள்பக்கம் பூட்டியிருந்தது. வெகு நேரமாகியும், சக்திவேல், ஆர்த்தி ஆகியோர் எழுந்து வெளியில் வரவில்லை. உறவினர்கள் , சக்திவேலுவுக்கு போன் செய்தும் அவர் எடுக்கவில்லை.

இதனையடுத்து, அருகில் வசிப்போரிடம், உறவினர் ஒருவர், சக்திவேல் இருந்தால் கூப்பிடுங்கள் என தெரிவித்தார். அவர்கள், கதவை தட்டியும், சக்திவேல் எழுந்து வரவில்லை. சந்தேகமடைந்து, மதுரவாயல் போலீசாருக்கு தகவல் தெரிவித்தனர். அவர்கள் விரைந்து வந்து, வீட்டின் கதவை உடைத்து உள்ளே சென்றனர்.

அங்கு மின் விசிறியில் சக்திவேல், ஆர்த்தி ஆகியோர் தூக்கில் பிணமாக கிடந்தனர். போலீசார் அதிர்ச்சியடைந்து, பின்னர் இருவரின் உடல்களை கைப்பற்றி பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். தொடர்ந்து வீட்டை சோதனையிட்டதில் சக்திவேல் எழுதி வைத்த கடிதம் ஒன்று சிக்கியது.

போலீசார், அந்த கடிதத்தை கைப்பற்றியதில், சக்திவேல் உருக்கமாக எழுதியிருந்தார். அதில், இனி என்னால், மனைவிக்கு குழந்தை தர இயலாது. என் ஆண் உறுப்பில் முக்கியமான நரம்பு உடைந்து விட்டது. மன உளைச்சலில் இருந்த நானும் என் மனைவி ஆர்த்தியும் தற்கொலை செய்துக்கொண்டோம். எங்கள் சாவுக்கு யாரும் காரணமில்லை என எழுதியிருந்தது.