இந்த ஊரில் தொப்பை உள்ள ஆண்களை திருமணம் செய்ய பெண்கள் வரிசை கட்டி நிற்பார்களாம்..

நம்மூரில் அழகான ஆண்கள் என்றால் அவர்களுக்கு என சில அடையாளங்கள் சொல்லப்படுகிறது. அதன்படி ஆண்கள் ஃபிட்டாக இருக்க வேண்டும் தாடி இருக்க வேண்டும் என பல விதமான கண்டிஷன்கள் உள்ளன. அப்படி இருந்தால் தான் ஆண்கள் அழகாக இருக்கிறார்கள் என நம்புவார்கள். தொப்பையுடன் இருக்கும் ஆண்கள் அழகற்றவர்களாக பார்க்கப்படுகிறார்கள். அவர்கள் கேலி கிண்டலுக்கு உள்ளாகிறார்கள். ஆனால் இந்த உலகில் குறிப்பிட்ட இடத்தில் தொப்பை உள்ள ஆண்கள் தான் அழகான ஆண்கள் என குறிப்பிட்ட மக்கள் நம்புகிறார்கள் என சொன்னால் நம்ப முடிகிறதா? அப்படிப்பட்ட ஒரு பகுதி இருக்கிறது.

ஆப்ரிக்காவின் உள்ள எத்தியோப்பியா என்ற நாட்டில் போடி என்ற பழங்குடியின மக்கள் இருக்கிறார்கள். இவர்கள் இன்றும் நாகரீகம் அடையாமல் காட்டுப்பகுதியிலேயே காட்டு வாசிகளாக வாழ்ந்து வருகின்றனர். இந்த மக்களிடம் ஒரு விநோதமான பழக்கம் ஒன்று இருக்கிறது. அதாவது இந்த பழங்குடியில் உள்ள ஆண்கள் தொப்பையுடன் இருந்தால் தான் அழகாம். அதனால் இந்த பகுதியில் உள்ள திருமணமாகாத ஆண்களுக்கு ஒவ்வொரு ஆண்டும் தொப்பை போட்டி நடக்குமாம்.

இதற்காக இந்த போட்டி நடப்பதற்கு 6 மாதங்களுக்கு முன்பே அந்த பழங்குடியின திருமணமாகாத ஆண்கள் இதற்கு தயாராக துவங்கிவிடுவார்களாம். இந்த காலகட்டத்தில் அவர்கள் தினமும் 2 லிட்டர் பசும் பாலை பசு ரத்தத்துடன் கலந்து குடித்து வருகின்றனர். போட்டி நடக்கும் நாள் அன்று ஆண்கள் எல்லாம் தங்கள் தொப்பையை காண்பிக்க வேண்டுமாம். பெரிய தொப்பை உள்ள நபர்கள் வெற்றி பெருவார்களாம். இந்த போட்டியில் வெற்றிபெறுபவர்களை திருமணம் செய்து கொள்ள அங்குள்ள பெண்கள் வரிசை கட்டி நிற்பார்களாம்.