இந்த ஊரில் யாரும் காரை லாக் செய்ய மாட்டார்களாம்… காரணம் தெரிந்தால் வியந்து போவீர்கள்..
உலகில் பல இடங்களில் பல விசித்திரமான பழக்கங்களை மக்கள் கொண்டிருப்பார்கள். ஒவ்வொரு நாட்டிற்குள் உள்ள பாரம்பரியம், கலாச்சாரம், நம்பிக்கை என பல விஷயங்களை அடிப்படையாக கொண்டு இவ்வாறான பழக்க வழக்கம் என்பது இருக்கும். ஆனால் ஆனால் கனடா நாட்டில் உள்ள ஒரு சிறிய ஊரில் உள்ள ஒரு வித்தியாசமான பழக்கம் வழக்கம் குறித்து தான் இந்த பதிவில் காணப்போகிறோம்.
கனடா நாட்டில் உள்ள சர்ச்சில் என்ற ஒரு சிறிய நகரம் உள்ளது. இங்கு உள்ள மக்கள் தங்கள் கார்களை ரோட்டில் பார்க் செய்துவிட்டு சென்றால் காரை லாக் செய்ய மாட்டார்களாம். எந்த பயமும் இல்லாமல் காரை லாக் செய்யாமலேயே சென்று விடுவார்களாம். நாம் எல்லோரும் காரை எங்கு நிறுத்தினாலும் லாக் செய்து விடுவோம் லாக் செய்யாமல் சென்றால் திருடி விடுவார்கள் என்ற பயம் இருக்கும். ஆனால் அந்த ஊரில் உள்ள மக்களுக்கு அப்படியான எந்த பயமும் இல்லை.
இதற்கு ஒரு காரணமும் இருக்கிறது. அந்த ஊரில் பனிகரடிகள் அதிகம் உலாவுமாம். உலகிலேயே அதிக பனிகரடிகள் உள்ள நகரம் அதுதான். பனிக்கரடிகளின் தலைநகரமாகவே திகழ்கிறது. அந்த பனிக்கரடிகள் தான் மக்கள் யாரும் காரை லாக் செய்யாமல் செல்வதற்கான காரணம். பனிக்கரடிகள் பார்க்க சாதுவாக இருந்தாலும் மிகவும் ஆபத்தான மிருகம். பனிக்கரடிகள் தாக்கி பல மனிதர்கள் உயிரிழந்துள்ளனர்.
அந்த ஊரில் பனிக்கரடிகள் அதிகம் இருப்பதால் எப்பொழுது வேண்டுமானாலும் பனிக்கரடிகள் ரோட்டிற்கு வருமாம். அப்படியாக சாலையில் பனிக்கரடிகள் வந்துவிட்டால் மனிதர்களை தாக்காமல் செல்லாது. இப்படியாக பனிக்கரடிகள் ரோட்டிற்கு வந்தால் அங்கிருக்கும் மக்கள் உடனடியாக அருகில் நிற்கும் காருக்கும் சென்று உள்ளே இருந்து காரை லாக் செய்துவிடுவார்களாம். அதனால் பனிக்கரடி தாக்குதலில் இருந்து தப்பித்துக்கொள்ள அங்கு காரை நிறுத்தி செல்பவர்கள் யாரும் காரை லாக் செய்ய மாட்டார்களாம்.
அந்நாட்டில் காரை லாக் செய்யாமல் செல்ல வேண்டும் என்ற சட்டம் எதுவும் இல்லையாம். ஆனால் ஒரு மனிதாபிமான அடிப்படையில் அந்த ஊரில் மக்கள் இந்த பழக்கத்தை வைத்திருக்கிறார்களாம். அந்த ஊரில் பனிக்கரடியை பார்த்ததும் மக்கள் அருகில் உள்ள கார் அருகே மெதுவாக சென்று உள்ள ஒளிந்து கொள்வார்களாம். பனிக்கரடி சென்ற பின்பு தான் காரிலிருந்து இறங்கி வருவார்களம். இந்த பழக்கம் விநோதமாக இருக்கிறது அல்லவா?
