பூமியில் விண்கல் விழும் வீடியோ வைரல்

பாகிஸ்தானில் உள்ள கராச்சியில் சனிக்கிழமை (ஜனவரி 29, 2022) விண்கல் ஒன்று வானத்தில் இருந்து ஒளிர்ந்தது ஆச்சரியத்தையும் அதிர்ச்சியையும் ஏற்படுத்தியது.

கீழே விழும் எரிகல்லை பலர் வீடியோவாகவும், புகைப்படங்களாகவும பதிவு செய்துள்ளனர். விண்கற்கள் வானத்தில் இருந்து விழும் புகைப்படங்கள் மற்றும் வீடியோக்களால் சமூக ஊடகங்களில் பரபரப்பாக பேசப்பட்டது.

உள்ளூர் நேரப்படி ஜனவரி 29ம் தேதியன்று இரவு 7:15 மணியளவில் விண்கல் விழுவது வானில் தெரிந்ததாக கூறப்படுகிறது. இது கராச்சியில் மட்டுமல்ல, சிந்து மாகாணத்தின் வேறு சில பகுதிகளிலும் காணப்பட்டது.

பலரால் நேரடியாக பார்க்கப்பட்ட இந்த வானியல் அதிசயத்தை கண்ட உள்ளூர் வானியலாளர்கள், இது, பூமியின் வளிமண்டலத்தில் எரியும் ஒரு விண்வெளி பாறை என்பதை உறுதிப்படுத்தினார்கள்.