Tuesday, February 20, 2018

.
Breaking News

பெங்களூரிலும் ஒரு சொட்டு நீர் கூட இல்லாமல் போகலாம்: அதிர்ச்சித் தகவல்!

பெங்களூரிலும் ஒரு சொட்டு நீர் கூட இல்லாமல் போகலாம்: அதிர்ச்சித் தகவல்!

கேப் டவுனைத் தொடர்ந்து உலகின் 11 முக்கிய நகரங்களில் ஒரு சொட்டு நீர் கூட இல்லாமல் போகலாம் என்று எச்சரிக்கை விடுக்கப்பட்டுள்ளது.

தென் ஆப்ரிக்காவின் கேப் டவுனில் கடுமையான தண்ணீர் தட்டுப்பாடு ஏற்பட்டு, ஒருவர் நாள் ஒன்றிற்கு 25 லிட்டர் தண்ணீர் மட்டுமே பயன்படுத்த உத்தரவிடப்பட்டுள்ளது. விரைவில் இந்த தண்ணீர் கூட இல்லாமல் போகும் நிலை கூட வரலாம் என்று அறிவிக்கப்பட்டுள்ளது. இந்த நிலையில், இதே போன்று உலகின் 11 முக்கிய நகரங்களில் உருவாகும் என்று நிபுணர்கள் எச்சரித்துள்ளனர். அதில், பெங்களூரும் அடங்கும் என்பது குறிப்பிடத்தக்கது.

தென்னிந்தியாவின் முக்கிய நகரமாக கருதப்படும் பெங்களூரும் தண்ணீர் இல்லாமல் தவிக்கும் நிலை உருவாகும் என்று நிபுணர்கள் வெளியிட்டுள்ள பட்டியலில் தெரிவிக்கப்பட்டுள்ளது. சீனாவைப் போன்று இந்தியாவும் தண்ணீர் மாசுபாட்டால் போராடி வருகிறது. இதில், பெங்களூர் மட்டும் விதிவிலக்கல்ல. தொழில்நுட்ப வளர்ச்சியைத் தொடர்ந்து நகரின் முக்கிய நீர் மற்றும் கழிவுநீர் அமைப்புகளை உள்ளூர் அதிகாரிகள் நிர்வகிக்க போராடி வருகின்றனர்.

நகரில் உள்ள 85 சதவீத ஏரிகளில் உள்ள தண்ணீரை பாசனத்திற்காகவும், தொழில்துறையின் குளிர்ச்சிக்காகவும் மட்டுமே பயன்படுத்த முடியும். ஆனால், இப்பொழுது ஒரு ஏரியில் கூட குடிக்கும் அளவிற்கு போதுமான தண்ணீர் இல்லை என்று தெரியவந்துள்ளது. இதன் காரணமாக கேப் டவுனைப் போல பெங்களூரிலும் ஒரு சொட்டு நீர் கூட இல்லாமல் போகும் நிலை கூட உருவாகலாம் என்று நிபுணர்கள் மேற்கொண்ட ஆய்வில் தெரிவிக்கப்பட்டுள்ளது.

இதே போன்று தான், பிரேசிலின் சா பாலோ, சீனாவின் பெய்ஜிங், எகிப்தின் கெய்ரோ, இந்தோனேசியாவின் ஜகார்த்தா, மாஸ்கோ, துருக்கி மெக்சிக்கோ, ஜப்பானின் டோக்கியோ மற்றும் அமெரிக்காவின் ஃபுளோரிடா ஆகிய முக்கிய நகரங்களில் ஒரு சொட்டு தண்ணீர் இல்லாமல் ஜீரோ டே என்ற நிலை உருவாகலாம் என்று தெரிவிக்கப்பட்டுள்ளது என்பது குறிப்பிடத்தக்கது.

About The Author

Related posts

Leave a Reply

Your email address will not be published. Required fields are marked *