Tuesday, February 20, 2018

.
Breaking News

தேர்தல் !… எம் . ஜெயராமசர்மா …. மெல்பேண் .

தேர்தல் !… எம் . ஜெயராமசர்மா …. மெல்பேண் .
 பாலாறும் தேனாறும்
பாய்ந்தோடும் ஊரெல்லாம்
பலருக்கும் இலவசங்கள்
பக்குவமாய் கிடைத்துவிடும்
வேலையற்ற அனைவருக்கும்
விரைவில் வேலைகொடுத்திடுவோம்
வாக்களித்துத் தேர்தலிலே
                        வாகைசூட வைத்திடுங்கள் !
 
              ஆட்சிதனில் அமர்ந்தவுடன்
                      அனைவரையும் அணைத்திடுவோம்
              அக்கிரமங்கள் அனைத்தையுமே
                      அடியோடு அழித்திடுவோம்
               போக்குக்காட்டிப் பொய்யுரைக்கும்
                      பொறுப்பற்ற தலைமைகளை
               தேர்தல்தனில் வென்றபின்னர்
                       திசைதெறிக்க ஓடவைப்போம் ! 
 
             காவல்த்துறை நீதித்துறை
                  கசடனைத்தும் களைந்தெறிவோம்
            கற்பழிப்பு வழிப்பறிக்கு 
                   காட்டமாட்டோம் கருணையினை 
             போதைவகைப் பாவனையை 
                   பொங்கிநின்று பொசுக்கிடுவோம்
            காதலுடன் வாக்களித்து
                  தேர்தல்வெல்லச் செய்திடுங்கள் !
 
            இப்படிப் பலவற்றை
                 ஏறும்மேடை பலவற்றில்
           செப்பமாய் உரைத்தபடி
                 சிறப்பாக வணங்கிநிற்பார்
          வாக்குப்பெற்று தேர்தல்வென்று
                வசதியுடன் வந்தபின்னர்
          வாக்களித்த மக்களெலாம்
              மண்டியிட்டு வணங்கிநிற்பார் ! 
            

About The Author

Related posts

Leave a Reply

Your email address will not be published. Required fields are marked *