Tuesday, November 21, 2017

.
Breaking News

தமிழக பக்தர்களுக்கு சபரிமலையில் 5 ஏக்கர் நிலம்; கேரளாவிடன் அமைச்சர் ஜெயக்குமார் கோரிக்கை!

தமிழக பக்தர்களுக்கு சபரிமலையில் 5 ஏக்கர் நிலம்; கேரளாவிடன் அமைச்சர் ஜெயக்குமார் கோரிக்கை!

சபரிமலையில் தமிழக பக்தர்களுக்கு தனியாக இடம் வேண்டும் என்று அமைச்சர் ஜெயக்குமார் கோரிக்கை விடுத்துள்ளார்.

கேரள மாநிலத்தில் உள்ள சபரிமலை ஐயப்பன் கோவில் மிகவும் பிரசித்தி பெற்றது. பல்வேறு மாநிலங்களில் இருந்து, பக்தர்கள் வருகை புரிந்து தரிசனம் செய்வர். அவர்களில் தமிழக பக்தர்கள் பெருமளவு உள்ளனர்.

ஆண்டுதோறும் சபரிமலைக்கு செல்லும் தமிழர்களின் எண்ணிக்கை அதிகரித்து வருகிறது. கேரள மாநிலம் திருவனந்தபுரத்தில் சபரிமலைக்கு வரும் பக்தர்களுக்கான வசதிகள் தொடர்பாக தென் மாநில முதலமைச்சர்கள், அமைச்சர்கள் மாநாடு நேற்று நடைபெற்றது.

இதற்கு அம்மாநில முதலமைச்சர் பினராயி விஜயன் தலைமை வகித்தார். தமிழக அரசு சார்பில் அமைச்சர்கள் டி.ஜெயக்குமார், சேவூர் ராமச்சந்திரன் ஆகியோர் பங்கேற்றனர். மாநாட்டில் பேசிய அமைச்சர் ஜெயக்குமார், சபரிமலைக்கு வரும் பக்தர்களில் 40 சதவீதம் பேர் தமிழர்கள் என்றார்.

எனவே தமிழக பக்தர்களுக்கு அடிப்படை வசதிகளை செய்து தர வேண்டும் என்று கேரள அரசை கேட்டுக் கொண்டார். கடந்த 2012-ம் ஆண்டு, தமிழக பக்தர்கள் வசதிக்காக 5 ஏக்கர் நிலத்தை சபரிமலையில் ஒதுக்கித் தருவதாக கேரள அரசு உறுதியளித்தது.

அதனை உடனடியாக அளித்து, கேரள அரசு நடவடிக்கை மேற்கொள்ள வேண்டும் என்று வலியுறுத்தினார்.

About The Author

Related posts

Leave a Reply

Your email address will not be published. Required fields are marked *