Tuesday, November 21, 2017

.
Breaking News

தந்தை இறுதி ஆசைக்காக அதிகாரிகளிடம் கெஞ்சிய மகன்! நெஞ்சை உறுக்கும் சம்பவம்!

தந்தை இறுதி ஆசைக்காக அதிகாரிகளிடம் கெஞ்சிய மகன்! நெஞ்சை உறுக்கும் சம்பவம்!

கேரளாவில் தந்தையின் விருப்பப்படி அரசு மரியாதையுடன் இறுதி சடங்கை மகனே நடத்திய சம்பவம் அனைவரின் மனதையும் நெகிழச் செய்துள்ளது.

கேரள மாநிலம் திருச்சூர் மாவட்டம் வில்லாடம் பகுதியை சேர்ந்தவர் முகுந்தன். இவர் திருச்சூர் நகர போலீஸ் பயிற்சி பள்ளி தலைவராக இருந்தார். இவர் தலைமையில்தான் கேரளாவில் இறக்கும் முக்கிய பிரமுகர்கள், அரசியல் கட்சி தலைவர்களுக்கு அரசு சார்பில் மரியாதை செலுத்தப்பட்டது.

இவரது மகன் மோகன்குமார். இவரும் இதே துறையில் பணிக்கு சேர்ந்தார். இந்நிலையில் கடந்த 1997-ம் ஆண்டு முகுந்தன் பணி ஓய்வு பெற்றார். அவர் ஓய்வு பெற்ற பல ஆண்டுகளுக்கு பின்னர் அதே காவல்துறைக்கு அவரது மகன் தலைவரானார்.

இவரது தலைமையில் தான் கேரள முன்னாள் முதல்-அமைச்சர் கருணாகரனின் உடலுக்கு அரசு மரியாதை அளிக்கப்பட்டது. மகன் நடத்திய அரசு மரியாதை காட்சிகளை தந்தை டி.வி.யில் பார்த்து வியந்தார். பல முக்கிய பிரமுகர்கள், அரசியல் கட்சி தலைவர்களின் உடலுக்கு அரசு மரியாதை செலுத்தியுள்ளேன். தனக்கும் அதேபோன்று அரசு மரியாதை வேண்டும் என்று மகனிடம் கேட்டார்.

இந்நிலையில் முகுந்தன் உடல்நலம் பாதிக்கப்பட்டு நேற்று இறந்தார். தந்தையின் இறுதி ஆசையை நிறைவேற்ற கேரள உயர் போலீஸ் அதிகாரிகளிடம் அரசு மரியாதையுடன் இறுதி சடங்கு நடத்த அனுமதியை மன்றாடி கேட்டார். இதுபோன்ற நிகழ்வு கேரள வரலாற்றிலேயே கிடையாது. எப்படி அனுமதிக்க முடியும் என்று உயர் காவல்துறை அதிகாரிகளிடம் விவாதம் நடந்தது.

இந்நிலையில் தந்தை- மகனின் நன்னடத்தைகளை ஆய்வு செய்தனர். நேர்மையாகவும், அர்ப்பணிப்புடனும் வேலை செய்தது தெரிய வந்தது. இதை அடுத்து அவர் கேட்டவாறு தந்தைக்கு அரசு மரியாதையுடன் இறுதிச் சடங்கு நடைபெற்றது.

 

About The Author

Related posts

Leave a Reply

Your email address will not be published. Required fields are marked *