Thursday, December 14, 2017

.
Breaking News

பஸ்ஸில் சென்ற கலாம்!

பஸ்ஸில் சென்ற கலாம்!

அக்னி ஏவுகணை வெற்றிகரமாக விண்ணில் செலுத்தப்பட்ட சில மாதங்களுக்கு பிறகு மதுரையில் நடந்த ஒரு விழாவில் பங்கேற்க கலாம் மதுரைக்கு வந்திருந்தார்.

விழாவிற்கு வந்த அவர் தனது அண்ணனை சந்திக்க நினைத்தார். அவர் தனது அண்ணனை சந்திக்கப்போகும் தகவல் காவல்துறையினருக்கு கிடைத்திருக்கிறது. இந்த தகவல் கிடைத்ததும் கலாமின் வீட்டிற்கு செல்லும் வழியில் அதிகமான காவல்துறையினர் குவிக்கப்பட்டனர். பாதுகாப்புக்காக போடப்பட்டிருந்த காவல்துறையினர் கலாமின் வாகனத்தை எதிர்பார்த்துக்கொண்டிருந்தனர்.

ஆனால் மதியம் 3 மணி ஆகியும் கலாம் வரவில்லை. கலாம் அவர்கள் பேருந்தில் பயணித்து அவரது அண்ணன் வீட்டுக்கே சென்றுவிட்டார் என்று காவல்துறையினருக்கு தகவல் கிடைத்தது. உடனடியாக காவல்துறையினர் அவரது அண்ணன் விட்டுக்கு சென்றனர்.

அங்கே கலாம் சாதாரண வேஷ்டி, சட்டையில் அவர் அண்ணன் மற்றும் உறவினர்களுடன் பேசிக்கொண்டிருந்தார். பாதுகாப்பை மீறி கலாம் எப்படி ராமேஸ்வரம் வந்தார் என்று அவரிடம் காவல்துறையினர் கேட்டபோது இந்த பதிலை கலாம் அளித்துள்ளார்.

மதுரையில் அவர் தங்கியிருந்த இடத்திலிருந்து சாதாரண கசங்கிய வேஷ்டி, கட்டம் போட்ட சட்டை அணிந்து கையில் துணிப்பையுடன் கிராமத்து ஆள்போல் புறப்பட்டுள்ளார். ஒரு சாதாரண கிராமத்து மனிதன் போல் மதுரையில் இருந்து பேருந்து ஏறி தனது அண்ணன் வீட்டுக்கே வந்துவிட்டாராம் . அனைவரால் மதிக்கப்படும் கலாம் இவ்வளவு எளிமையாக இருக்கிறாரே என்று காவல்துறை ஆச்சரியத்தில் ஆழ்ந்தனர்.

About The Author

Related posts

Leave a Reply

Your email address will not be published. Required fields are marked *