Wednesday, November 22, 2017

.
Breaking News

காரில் மாட்டிக்கொண்டு உயிரிழந்த இரட்டை குழந்தைகள்!

காரில் மாட்டிக்கொண்டு உயிரிழந்த இரட்டை குழந்தைகள்!

காரில் நாய் குட்டியுடன் விளையாடிக்கொண்டிருந்த போது கதவு பூட்டிக்கொண்டதால் இரட்டைக்குழந்தைகள் மூச்சுத்திணறி உயிரிழந்தனர்.

குர்கான்அருகே ஜமல்பூர் பகுதியை சேர்ந்த கோபிந்த் குமாருக்கு ஹர்ஷிதா, ஹர்ஷா (5) என்ற இரட்டை பெண் குழந்தைகள் உள்ளனர். ராணுவ வீரரான கோபிந்த் குமாருக்கு சொந்தமான கார் ஒன்று அவர் வீட்டு வாசலில் நிறுத்தப்பட்டு இருந்தது. காரின் கதவில் பிரச்னை இருந்த காரணத்தினால் கதவை திறந்தே வைத்திருந்தனர்.

சம்பவ தினத்தன்று நாய் குட்டியுடன் விளையாடிக்கொண்டிருந்த குழந்தைகள் வீட்டிற்கு வெளியே சென்று விளையாடியுள்ளனர். காருக்கு அடியில் சென்ற நாயை தேடிச்சென்ற போது காரின் கதவு திறந்திருப்பதை கண்டு உள்ளே ஏறினர். உள்ளே ஏறியதும் பூட்டிய காரின் கதவை திறக்க முடியவில்லை. மூச்சு திணறல் ஏற்பட்ட குழந்தைகள் காரில் உள்ளே மயக்கமடைந்தனர்.

ஆனால் குழந்தைகளை வீட்டில் உள்ள யாரும் தேடவில்லை. மாலை 4.30 மணிக்கு வெளியே வந்த குழந்தைகளை இரவு 7.30 மணிக்கு அவர்களது தந்தை தேடியுள்ளார். பின்னர் காருக்குள் இருவரும் இருப்பதை கண்டு பதறிப்போய் மருத்துவமனைக்கு கொண்டு சென்றுள்ளார். பரிசோதித்து பார்த்த மருத்துவர்கள் குழந்தைகள் இருவரும் ஏற்கனவே இறந்துவிட்டதாக கூறினர்.

இந்த சம்பவம் குறித்து காவல்துறையினர் விசாரணை நடத்திவருகின்றனர். குழந்தைகளின் தாயும், 2 வயது சகோதரனும் கோடை விடுமுறைக்காக அவர்களின் பாட்டி வீட்டிற்கு சென்றிருந்த போது இந்த சோக சம்பவம் நிகழந்துள்ளது.

About The Author

Related posts

Leave a Reply

Your email address will not be published. Required fields are marked *